عبور أولي نحو الجزء الثاني من الحياة
“نص/قص”….لم يكتمل..!
قراءة أولى لتلك الحياة…!
ترنيمة أولى:
يالمستريح
اللي تركت الدنيا ورى بابك تصيح
يالمستريح
ياللي قفلت بابك
وأنت تستغيثك ألف ريحٍ وريح
يالمستريح
فاقدك صح…؟
أو ما تعرف دربك صحيح
خايفٍ..؟، رِحّ…!
ما فيه وجهٍ لك يريح..!
يالمستريح
مرت فيك دنيا
ودنيا من دنياك عيّت تستبيح
مريت في دنيا
وشقاك معلّق على المذبح ذبيح..!
…
…
ترنيمة ثانية
يالمستريح
في فضاءاتك وضوح
وفي وضوحك فاض فاء
من متاهاتك نزوح
من فيها مات ماء..؟
فيه بعيونك جروح
تصيح وينك يـ أنت: ماء..؟
وأنا…
ضعت بمتاهات الإنتماء
لاني “أنت”، ولاني “ماء”..!
بس أذكر أني:
كنت في لحظة من عمري
كنت شهوة أرتماء
كنت صرخة كبرياء
وكنت من عمري أطيح…!
وكنت…
من عمري….
أطيـ…
…ـيـ….
…ـيـ….
…ـيـييييح
…
…
ترنيمة ثالثة:
يالمستريح
كان ميمك يصيح
بوجيه ماتت كبرياء
ودالك عيّا يستريح
يركض بوجه الشقاء
وميمك الثاني جريح
توجعه طعون حاء..!
والسماح…
اللي يغني لجنون الرياح:
راح…..راح
كل زهرٍ غنى لأرواح الصباح..
طاح……طاح
الضياع اللي ذبح بسمة وراح..
فاح…….فاح
صوت صمتك من على شفاه الملاح..!
وأنت يالذنب الذبيح
يطيح بك قلب وقلب
وقلب ثالث يستبيح
يستبيح الـ ما يُقال
وكل صمتٍ فيك سال
كل صمتٍ سال ريح..!
…
…
عبور ثاني:
يالمستريح
ينبت فـ عيونك ظمأ
وياخذك دمعٍ هما
ياخذك لدربٍ بعيد
أبعد من حدود السما
ياخذك لدربٍ جديدٍ
دربٍ وحيد وعنيد
درب محتاجٍ لـ عيد
درب مشتاقٍ لـ إيِد
درب لعيونه يصيح
كنت أجمل من طفل
يضحك ودمعه يطيح..!
..
..
..
يالمستريح..
..
..
……..!
مفازة الكلام! 